Саакашвили оиласи билан Венгрияга келди

Грузия собиқ президенти, Украинанинг Одесса вилояти собиқ губернатори Михаил Саакашвилининг хабар беришича, Венгрияга оиласи билан келган. У бундан бироз вақт муқаддам Украина фуқаролигидан маҳрум қилинганди.

«Оиламиз билан Балатон кўлига келдик. Венгрия қироли Андраш ва унинг рафиқаси, Украина маликаси Анастасияга қўйилган ҳайкал ёнида», - дея ёзди у фейсбукдаги саҳифасида.

26 июль куни Украина президенти Пётр Порошенко Саакашвилини Украина фуқаролигидан маҳрум қилди. Ҳукуматнинг тушунтиришича, бунга сабаб Саакашвили фуқароликни олишда ёлғон маълумотларни тақдим этган.

Саакашвилининг ўзи эса Украина фуқаролигидан маҳрум қилинишини Россия учун совға, деб атади.