Мирзиёев ва Назарбоев мулоқоти икки давлат расмий делегациялари иштирокида давом этди

Фото: Akorda.kz/Архив

Ўзбекистон Республикаси Президенти Шавкат Мирзиёев ва Қозоғистон Республикаси Президенти Нурсултон Назарбоев мулоқотни кенгайтирилган таркибда давом эттирдилар. Бу ҳақда ЎзА хабар бермоқда.

Унда расмий делегациялар аъзолари, вазирлик ва йирик компаниялар раҳбарлари иштирок этди. Музокарада мамлакатлар ўртасидаги ижтимоий-сиёсий, савдо-иқтисодий, инвестициявий ҳамкорликни янада ривожлантириш, транспорт-коммуникация, маданий-гуманитар ва бошқа соҳалардаги алоқаларни мустаҳкамлаш масалалари муҳокама қилинди.

Қозоғистон Президентининг Ўзбекистонга давлат ташрифи давом этмоқда.