КХДР ракеталарини ишлаб чиқариш марказидан кўчирмоқда – Жанубий Корея ОАВ

Фото: KCNA via REUTERS

Шимолий Кореянинг бир нечта ракетаси Пхеньяндаги ракета ишлаб чиқарувчи заводдан олиб чиқилаётгани кузатилган. Бу ҳақда Жанубий Кореянинг KBS телеканалига асосланган ҳолда Reuters хабар бермоқда. Унга кўра, Шимол фитнали ҳаракатларни амалга оширишга тайёргарлик кўраяпти.

Хабарда таъкидланишича, махсус хизмат манбаси Жанубий Корея ва АҚШ айғоқчиларига аниқланган ракеталар Шимолий Пхеньяннинг Санум-донг қисмида жойлашган Шимолий Корея Ракета тадқиқот ва ривожлантириш марказидан олиб чиқилган.

Хабарда ракеталар қачон ва қаерга кўчирилганига ойдинлик киритилмаган. Ракеталар ўрта масофаларга уча оладиган Ҳвасонг-12 ёки қитъалараро баллистик ракета Ҳвасонг-14 ҳам бўлиши мумкин. Чунки Санум-донгдаги иншоот қитъалараро баллистик ракета ишлаб чиқаришга ихтисослашган.

Жанубий Корея мудофаа вазирлигининг вакили хабардаги воқеликни изоҳлай олмаслигини билдирган.

Жанубий Корея расмийси эса, КХДР коммунистик партия ташкил этилгани муносабати билан 10 октябрда ёки Хитой Коммунистик партияси конгресси бўлиб ўтадиган 18 октябрда фитнали ҳаракатларини амалга ошириши мумкин.