Қўшимча функционаллар
-
Тунги кўриниш
Жанубий Корея КХДР ракета учиришига жавобан ўз синовини ўтказди
Фото: Reuters
Жанубий Корея КХДРнинг ракета учиришига жавобан ўз синовини ўтказди, деб хабар қилмоқда Ёнхап агентлиги Корея Қуролли кучлари штаб бошлиқлари бирлашган қўмитасига таянган ҳолда.
Маълум бўлишича, маҳаллий вақт билан 3:23-3.44 оралиғида қуруқлик, ҳарбий-денгиз ва ҳарбий-ҳаво кучларининг бирлашган ракета машғулотлари ўтказилган. Унда КХДРга аниқ зарбалар бериш амалиётлари ўтказилган. Шу муносабат билан 300 км.га парвоз қила оладиган "Хёнму-2" баллистик ракетаси учирилган. Бундан ташқари "кема — ер" русумидаги 1000 км.га учадиган "Хэсон-2" ракетаси ҳамда "ҳаво-ер" таснифидаги 57 км.гача нишонни ура оладиган "Спайс-2000" ракетаси синалган.
Аввал хабар қилинганидек, КХДР 29 ноябрга ўтар кечаси қитъалараро баллистик ракета синовини ўтказган эди. У 960 км масофага парвоз қилиб, Япония қирғоқларидан 210 км узоқликда денгизга қулаган. Мазкур ракетанинг парвоз траекторияси аввалгиларига қараганда анча баланд бўлган.
Мавзуга оид
16:19 / 15.10.2024
Шимолий Корея Жанубий Корея билан чегарадаги йўлларни портлатиб юборди
08:40 / 15.10.2024
Путин Думага КХДР билан ҳарбий ҳамкорлик тўғрисидаги қонун лойиҳасини киритди
22:41 / 13.10.2024
Ким Чен Иннинг синглиси Жанубий Кореяни «даҳшатли ҳалокат»дан огоҳлантирди
21:18 / 11.10.2024