Словения стартапи Хитойда электросамолётларни ишлаб чиқаради

Словениянинг Pipisrtel стартапи электрон самолётлар ишлаб чиқариш учун хитойлик шериклари билан ҳамкорликни бошлайди. AVWeb ва Aviation Week'да хабар берилишича, шериклар Alpha Electro илмий-тадқиқот самолёти ва гибрид Panthera самолётлари устида бирга иш олиб боришади. 

Pipistrel Хитой ва Осиёнинг бошқа 10 мамлакатида интеллектуал мулк ва сотувлар ҳуқуқини сотади. Электросамолётлар моделларини яратиш янги Журонг лойиҳаси доирасида амалга оширилади. Стартап Pipistrel Asia Pacific General Aviation Technology Ltd'нинг  51 фоиз акциясини сақлаб қолади. Акцияларнинг камроқ қисмига эгалик қилувчи Дэнни У Хао лойиҳа доирасида умумий бизнес-авиация учун аэропорт қурилиши билан шуғулланади. 

Яқин бир неча ойда Pipistrel Asia-Pacific ва унинг шўъба корхоналари ер участкасини қўлга киритиш, 130 гектар майдонга эга аэропорт қурилиши ва эксплуатациясига киришади. Журонг лойиҳаси Хитой шарқий қирғоғидаги Нанкин шаҳридан 60 километр масофада амалга оширилади. Режага кўра, келгуси икки йилда Журонгда аэропортдан ташқари авиақурилиш заводи ва авиация университети бўлими бунёд этилади. Шунингдек бу ерда Журонг кўли Миллий парки меҳмонларига хизмат кўрсатувчи сайёҳлик маркази пайдо бўлади.