Италия чемпионатининг 34-тур учрашувлари давом этмоқда. Тур доирасида Римдаги «Олимпико» стадионида «Лацио» ва «Сампдория» жамоалари ўртасида кечган баҳс мезбонларнинг йирик ғалабаси билан якунланди.

Ғолиблар сафида голларга ҳавбек Сергей Милинкович-Савич, ҳимоячи Стефан де Врей ва ҳужумчи Чиро Иммобиле (дубль) муаллифлик қилишди.

34-тур доирасида кечган бошқа учрашувларда Миланнинг «Интер» клуби «Кьево»ни енгди (2:1), «Аталанта» ўз майдонида «Торино»дан устун келди (2:1), «Удинезе» «Кротоне»га ютқазди (1:2), «Кальяри» ва «Болонья» учрашувида ҳисоб очилмади (0:0).

Бу натижадан кейин «Лацио» 67 очко тўплаган ҳолда шунча очкоси бор «Рома»дан кейинги тўртинчи ўринни эгаллаб турибди, «Интер» 66 очко билан бешинчи ўринда. «Аталанта» ҳисобида 55 очко бор, бу жамоа олтинчи ўринга кўтарилиб, «Милан»ни еврокубоклар ҳудудидан чиқариб юборган. «Сампдория» 51 очко билан саккизинчи, «Торино» 47 очко билан - 10-ўринда жойлашган.

«Кротоне» 31 очкоси билан 17-ўринда ва бу жамоага 20-ўриндаги «Беневенто» ета олмайди (17 очко). «Беневенто» қолган турларда қандай натижалар қайд этилишидан қатъи назар А Серияни тарк этиши аниқ бўлган.

Италия чемпионати
34-тур
Лацио – Сампдория 4:0 (2:0, 2:0)
Голлар: 1:0 – 32 Милинкович-Савич, 2:0 – 43 де Врей, 3:0 – 85 Иммобиле, 4:0 – 88 Иммобиле.
Лацио – Стракоша, де Врей, Раду, Марушич, Касерес, Милинкович-Савич, Лулич, Фелипе Андерсон (Нани, 79), Пароло (Лукаку, 19), Лейва (Ди Дженнаро, 87), Иммобиле.
Сампдория – Вивиано, Феррари, Стринич, Берешиньски, Андерсен, Баррето, Торрейра, Рамирес (Линетти, 66), Прат, Сапата (Куальярелла, 60), Капрари (Ковнацки, 53).
Огоҳлантиришлар: Лейва (24), Прат (25), Торрейра (67).

Кьево – Интер 1:2 (0:0, 1:2)
Голлар: 0:1 – 50 Икарди, 0:2 – 61 Перишич, 1:2 – 90 Стемпиньски.
Кьево – Соррентино, Бани, Ярошиньски (Кастро, 60), Каччаторе, Томович, Ригони, Радованович, Джаккерини (Бирса, 67), Хетемай, Инглезе, Пуччарелли (Стемпиньски, 83).
Интер – Ханданович, Шкриньяр, Д`Амброзио, Жоау Канселу, Миранда, Валеро (Весино, 77), Брозович, Рафинья, Перишич (Кандрева, 89), Икарди, Карамо (Сантон, 67).