Тошкентдан Москвага учган самолёт қум бўрони туфайли ушланиб қолди
«Ўзбекистон ҳаво йўллари» Миллий авиакомпаниясининг «Тошкент-Урганч-Москва» йўналишидаги рейси 4,5 соатга ушланиб қолди. Авиакомпания матбуот хизмати бунга Ўзбекистон шимоли-ғарбида кузатилаётган қум бўрони сабаб бўлганини маълум қилган.
Авиаташувчининг маълумотига кўра, Тошкентдан Урганч орқали Москвага томон ҳаракатланган НУ-55 рейси пойтахтдан маҳаллий вақт билан соат 10:00да учган, самолёт қумли бўрон туфайли Урганчга бора олмаган ва Бухоро аэропортига қўнишга мажбур бўлган.
«Айни вақтда самолёт Москвага томон парвозни давом эттирмоқда. Рейс 4 соату 30 дақиқага кечикди», дейилган хабарда.
Қум бўронлари сабабли «Ўзбекистон ҳаво йўллари» МАК «Тошкент-Урганч-Бухоро» йўналишидаги НУ-51 рейсини Нукусдаги захира аэродроми орқали амалга оширишга мажбур бўлган. Бу рейс ҳам 4,5 соатга кечиккан.
Мавзуга оид
20:57 / 23.05.2022
Кувайтда қум бўрони сабабли авиақатновлар бекор қилинди
14:53 / 16.05.2022
Ироқда қум бўронлари сабабли мактабларда машғулотлар бекор қилинди
19:19 / 05.05.2022
Ироқда қум бўронлари оқибатида беш мингдан ортиқ одам жабрланди
15:48 / 21.12.2021