ЦСКА Континентал хоккей лигаси чемпионига айланди

Москванинг ЦСКА хоккей клуби Континентал хоккей лигаси чемпионати доирасида Ярославлнинг “Локомотив” клубини буллитлар бўйича 2:1 ҳисобида мағлуб этиб, 2018/2019 йиллардаги мавсумнинг муддатдан аввал чемпионига айланди.

“Локомотив” таркибида Брэндон Козун 1-дақиқада, ЦСКА таркибида Антон Слепишев 60-дақиқада ўз ҳисобларига гол ёзиб қўйишган. Бу ғалаба армиячиларнинг қаторасига 9-ғалабаси бўлди.

Айни вақтда ЦСКА ҳисобида 61 та ўйиндан кейин 104 очко бор. Унинг ортидан келаётган Санкт-Петербургнинг СКА клуби 101 очкога эга. Шу тариқа, Москва клуби мунтазам чемпионат тугашига битта ўйин қолганда ўзига олтин медални таъминлаб қўйди.  

Чемпионатнинг сўнгги турида ЦСКА Риганинг “Динамо”си билан учрашади.