Каримов Фонди Наврўз шодиёналари акс этган ноёб видеолавҳаларни эълон қилди. Бу ҳақда Фонднинг Facebook’даги саҳифасида хабар берилган.
Қайд этилишича, ушбу видеолавҳаларда Тошкент марказида жойлашган Халқлар дўстлиги майдонида 1993 йилнинг март ойида, яъни Мустақилликка эришилгандан бир ярим йил ўтиб бўлиб ўтган Наврўз шодиёналари тасвирланган.
«Ислом Каримов совет иттифоқи республикалари раҳбарлари орасида биринчи бўлиб Наврўзни давлат байрами дея эълон қилган эди», - дейилади Фонд хабарида.
Маълум қилинишича, ЎзССР президентининг 1990 йил 3 майдаги қарори билан Наврўз умумхалқ байрами, 21 март эса дам олиш куни дея эълон қилинган.
Бундан олдин, Тошкент шаҳрида Наврўз байрами тадбирларини ўтказиш дастури эълон қилинганди.
