Исроил қўшинлари Ғазо сектори яқинига жойлаштирилмоқда

Фото: REUTERS / Amir Cohen

Исроил армиясининг иккита ҳарбий бригадаси ва қўмондонлик маркази Ғазо билан чегарадош ҳудудга жойлаштирилди. Бу ҳақда Исроил мудофаа армияси матбуот котиби Авихай Эдри маълум қилди.

Аввалроқ исроилликлар фаластинликлар томонидан отилган ракетага кескин жавоб қайтарилишини айтишганди.

Эдрининг айтишича, Тель-Авив вазиятнинг ҳар қандай кўринишига тайёр.

Душанба куни эрталаб Фаластиндан отилган ракета Исроил марказидаги уйлардан бирига тушган ва етти киши жароҳатланганди.