Хитой кемалари Япониянинг «баҳсли сувларига» кирди

Фото: REUTERS

Хитой денгиз полициясининг тўртта патруль кемаси Шарқий Хитой денгизи Сенкаку (Дяоюйдао) ороллари яқинидаги ҳудудга кирди. Япония ҳукумати бу ерни ўз ҳудудий сувлари деб ҳисоблайди, дея хабар қилмоқда ТАСС япон ОАВга таянган ҳолда.

Таъкидланишича, Япониянинг соҳилни қўриқлаш хизмати кемалари экипажи овоз кучайтиргичлар орқали Хитой қўриқчи кемаларига «япон ҳудудий сувлари»ни тарк этиш талаби билан мурожаат қилган.

Аввалроқ, Япония шу йилнинг февраль ойида Хитой ўз ҳудудий сувларига киргани ҳақида маълум қилганди. Шунингдек, гап Сенкаку ороллари яқинида Хитой кемаларининг мавжудлиги ҳақида ҳам борган.

Бундан олдин, АҚШнинг Япониядаги ҳарбий базасида қўпорувчилик содир этилганди.

#Хитой #Япония