Нидерландия ҳарбий-ҳаво кучларига қарашли F-16 қирувчи самолёти Леуварден авиабазасидаги машғулотлар чоғида жиддий шикастланди.

Nederlandse Omroep Stichting нашрининг хабарига кўра, иккита F-16 қирувчи самолёти тўпдан ўқ узган ва улардан бири ўзи отган ўқдан шикастланган — самолёт корпусига зарар етган, ўқ парчалари эса двигателга тушган.

Воқеа оқибатида ҳеч ким жароҳатланмаган. Учувчи шикастланган самолётни Влиорс ҳарбий полигонига қўндиришга муваффақ бўлган.

Ҳозирда ички текширув ишлари олиб борилмоқда.