Фото: AP Photo/Fars News Agency, Omid Vahabzadeh, архив
Эрон ҳарбийлари ўрта масофага учувчи баллистик ракета синовини ўтказди. Бу ҳақда FoxNews телеканали Америка ҳукуматидаги манбаларига асосланиб хабар бермоқда.
Телеканалга кўра, синов учирилиши 25 июлга ўтар кечаси амалга оширилган.
Тахмин қилинишича, эронлик ҳарбийлар «Шахаб-3» ракетасини учирган бўлиши мумкин. У 965 км парвоз қилгач, Теҳрондан унча узоқ бўлмаган саҳрога қулаган.
Бундан авввал, АҚШ давлат котиби Майк Помпео зарур бўлса ва шароит тақозо қилса, Теҳронга бориб, ушбу мамлакатнинг ракета дастури бўйича музокара ўтказишга тайёрлигини билдирган эди.
