Фото: Getty Images
British Airways авиакомпанияси учувчиларнинг 48 соатлик иш ташлаш эълон қилишлари сабабли деярли барча рейсларни бекор қилди.
Авиакомпания баёнотида айтилишича, ишга нечта учувчи келиши ва қайси самолётларни бошқариши номаълум. Шу боис British Airways деярли барча рейсларни бекор қилишга мажбур. Авиакомпания кунига 850тагача парвозни амалга оширади.
British Airways учувчилар касаба уюшмаси билан музокаралар ўтказишга тайёрлигини маълум қилган. Ҳозирча эса авиакомпания йўловчиларга парвозни кечиктириш ёки чипта учун тўланган пулларини қайтариб олишни таклиф қилмоқда.
