«ERIELL Group»: Янги қудуқни бурғулаш ишлари якунланди

Бу ҳафта «ERIELL Group» компанияси учун яна бир яхши натижа билан ёдда қоладиган бўлди – 2020 йилнинг 22 январида компания Бухоро вилоятидаги «Саватли» конида №6 рақамли қудуқни бурғулаш ишларини якунлади. Олинган газнинг суткалик дебити 315 минг м³ ни ташкил қилди ва қудуқ тармоқнинг кириш блогига уланди.

Эслатиб ўтамиз, 2019 йилнинг 6 ноябрида сейсморазведка ишлари натижаларига кўра «ERIELL Group» компанияси мутахассислари лойиҳавий чуқурлиги 2052 метр бўлган №6 рақамли қудуқни бурғулашга киришгандилар. Бу лойиҳа тасдиқланган иш режасига кўра икки ярим ой давомида якунланди ва қудуқ фойдаланишга топширилди.

Компания «2017-2021 йиллар учун мўлжалланган углеводород хом-ашёсини қазиб олиш ҳажмини ошириш бўйича чора-тадбирлар дастури»га асосан жадал фаолиятни давом эттиради.

ERIELL Group компанияси Матбуот хизмати