Тошкентда МЧЖ омборхонасидан 57 минг долларлик трикотаж маҳсулотларини ўғирлаб кетишди

Яккасарой туманида трикотаж маҳсулотларини ўғирлаш билан боғлиқ факт бўйича жиноий иш қўзғатилди.

Иллюстратив фото

Яккасарой тумани ИИО ФМБдан келиб тушган хабарга кўра, май ойидан июль ойигача бўлган давр мобайнида 22 ёшли Ш.О. ва 28 ёшли Б.Т. МЧЖлардан бирининг омборхонасидан 57 870 АҚШ долларига тенг трикотаж маҳсулотларини ўғирлаб кетишган.

Тошкент шаҳар ИИББ ахборот хизмати хабарига кўра, мазкур фуқаролар шу корхонанинг ишчилари бўлишган. Ўғрилик ҳақида МЧЖ раҳбарининг ўринбосари 41 ёшли Ж.С. хабар берган.

Мазкур факт асосида Жиноят кодексининг 169-моддаси 4-қисми (“Ўғрилик”) бўйича жиноий иш қўзғатилди. Тергов давом этмоқда.

Тайёрлаган: Отабек Матназаров

#ўғрилик #Яккасарой