Андижонда божхона постидан олиб ўтилаётган қалбаки авто рақамлар аниқланди
Андижон вилояти “Дўстлик” чегара божхона постида божхоначилар томонидан автотранспорт воситаларининг “қалбаки” давлат рақамлари фош этилди.
Қўшни республика ҳудудидан мамлакатимизга кириб келган фуқаро С.М. бошқарувидаги “Volvo FH” русумли автотранспорт воситаси синчковлик билан кўздан кечирилганда, транспорт воситасининг салон қисмида, ҳайдовчи ўриндиғи орқасида ҳеч қандай ҳужжатлари бўлмаган, ноқонуний йўллар билан тайёрланган 4 дона “40А770АА”, 2 дона “40А234АА” ҳамда 2 дона “01А755АА” қалбаки давлат авторақамлари борлиги аниқланди.
Ҳозирда ушбу ҳолат юзасидан тезкор қидирув ва суриштирув ҳаракатлари давом эттирилмоқда.
Аввалроқ, Андижон вилоятида божхоначилар «Nexia»да кучли таъсир қилувчи дорилар олиб кираётган эркакни тўхтатиб қолганлиги ҳақида хабар берган эдик.
Мавзуга оид
15:50 / 21.10.2024
Андижон ва Тошкентда 1 млрд сўмдан ортиқ “свет”дан ноқонуний фойдаланган шахслар ушланди
10:54 / 20.10.2024
ЭТК монтёри билан тил бириктириб электрдан ноқонуний фойдаланган шахсга жиноят иши қўзғатилди
10:00 / 15.10.2024
БАА Тошкент - Андижон пулли йўлини қуриш лойиҳасида иштирок этиши мумкин
08:10 / 12.10.2024