Қашқадарё ва Сурхондарё вилояти экология бошқармаларига янги раҳбар тайинланди

Қашқадарё ва Сурхондарё вилояти Экология ва атроф-муҳитни муҳофаза қилиш бошқармаларига янги раҳбар тайинланган.

Рўзигул Сафарова
Фото: Экология ва атроф-муҳитни муҳофаза қилиш бошқармаси

Маълум қилинишича, Экология ва атроф-муҳитни муҳофаза қилиш давлат қўмитаси раисининг 2022 йил 31 январдаги 22к-сонли буйруғига асосан Рўзигул Сафарова Сурхондарё вилояти Экология ва атроф-муҳитни муҳофаза қилиш бошқармаси бошлиғи лавозимига тайинланган.

Экология ва атроф-муҳитни муҳофаза қилиш давлат қўмитаси раисининг 2022 йил 1 февралдаги 25к-сонли буйруғига асосан Ғанишер Иброҳимов Қашқадарё вилояти Экология ва атроф-муҳитни муҳофаза қилиш бошқармаси бошлиғи лавозимига тайинланган.

Ғанишер Иброҳимов Фото: Экология ва атроф-муҳитни муҳофаза қилиш бошқармаси

Маълумот учун, 2021 йил 30 декабр куни Олий Мажлис Қонунчилик палатаси томонидан Экология партияси раиси Нарзулло Обломуродов номзоди Экология ва атроф-муҳитни муҳофаза қилиш давлат қўмитаси раиси лавозимига маъқулланганди. 2022 йил 25 январ куни Нурота тумани ҳокими Умарбек Халилов Экология ва атроф-муҳитни муҳофаза қилиш давлат қўмитаси раиси ўринбосари этиб тайинланганди.