Янги қонун собиқ президент ва унинг оила аъзоларига дахлсизлик ҳуқуқини ҳам берди.
Туркманистон президенти Сердар Бердимуҳамедов томонидан «Туркман халқининг миллий етакчиси тўғрисида»ги қонун имзоланди. Бу ҳақда Turkmenportal хабар берди.
Қонунга кўра, собиқ президент Гурбангули Бердимуҳамедов ва унинг оила аъзолари дахлсизлик ҳуқуқига, шунингдек, бошқа бир қатор имтиёзларга эга бўлди. Қонун унинг мол-мулкига ва оила аъзоларига тегишли бўлган мулкка ҳам тегишли.
21 январ куни Туркманистон парламенти Миллий Генгешнинг қўшма йиғилишида собиқ президент Гурбангули Бердимуҳамедовга миллий етакчи мақоми бериш тўғрисида ҳам қарор қабул қилинди.
