Ҳукумат Маданий мерос агентлиги илмий-эксперт кенгаши вазифаларини белгилаб берди
Маданий мерос агентлигининг илмий-эксперт кенгаши юридик шахс ҳисобланмайди ва ўз фаолиятида агентликка ҳисобот беради.
Вазирлар Маҳкамасининг “Ўзбекистон Маданий мерос агентлигининг илмий-эксперт кенгаши фаолиятини янада такомиллаштириш чора-тадбирлари тўғрисида”ги қарори қабул қилинди.
Маданий мерос агентлигининг илмий-эксперт кенгаши юридик шахс ҳисобланмайди ва ўз фаолиятида агентликка ҳисобот беради.
Кенгашнинг асосий вазифалари қуйидагилардан иборат:
- моддий маданий мерос объектларини муҳофаза қилиш ва улардан фойдаланиш соҳасидаги давлат сиёсатининг асосий йўналишларини амалга ошириш юзасидан ҳамда республика ва маҳаллий ижро этувчи ҳокимият органлари, хўжалик бирлашмалари, шунингдек, нодавлат нотижорат ташкилотларининг моддий маданий мерос объектлари билан боғлиқ масалалар бўйича фаолиятини мувофиқлаштиришни янада такомиллаштириш юзасидан таклифлар тайёрлаш;
- моддий маданий мерос объектларини муҳофаза қилиш ва улардан фойдаланиш жараёнида юзага келадиган масалаларни илмий жиҳатдан кўриб чиқиш, уларни ҳал этиш бўйича илмий ва амалий таклифлар тайёрлаш ҳамда амалга оширишда иштирок этиш;
- маданий мерос объектларининг тарихий, илмий, бадиий ёки ўзгача маданий қийматига салбий таъсир қилмаслигини таъминлаш мақсадида улардан фойдаланиш мақсадлари ва шартларини тасдиқлаш ёки етарли даражада асослантирган ҳолда тасдиқлашни рад этишга доир масалалар юзасидан хулосалар бериш ва бошқалар.
Кенгаш таркиби Вазирлар Маҳкамаси томонидан тасдиқланади. Агентлик директорининг биринчи ўринбосари кенгаш раиси ҳисобланади. Кенгаш фаолиятига давлат органлари ва ташкилотларнинг мансабдор шахслари аралашувига йўл қўйилмайди. Кенгашни моддий-техник жиҳатдан таъминлаш агентлик томонидан қонунчилик ҳужжатларида тақиқланмаган манбалар ҳисобидан амалга оширилади.
Ҳужжат билан қуйидагилар тасдиқланди:
- Маданий мерос агентлигининг илмий-эксперт кенгаши тўғрисидаги низом;
- Маданий мерос агентлигининг илмий-эксперт кенгаши таркиби.
Ҳужжат билан Ўзбекистон ҳукуматининг айрим қарорлари ўз кучини йўқотган деб топилди.
Мавзуга оид

14:29 / 17.03.2025
Тадбиркор аёллар кенгаши ташкил этилади

20:18 / 24.01.2025
Малайзия институти Ўзбекистоннинг қадимий ва ноёб меросини тарғиб қилади

12:29 / 05.12.2024
ЮНEСКО номоддий маданий мерослар рўйхатини кенгайтирди

08:10 / 25.09.2024