Халқ банки молиявий кўмагида фаолият юритаётган тадбиркорлик субектлари билан ОАВ, журналистлар ва жамоатчилик фаолларини яқиндан таништириш мақсадида ҳудудларга пресс турлар ўтказиб келинади. Навбатдаги пресс-тур водий вилоятлари Наманган ва Андижон вилоятларига ташкил этилди.
Дастлаб пресс-тур дастурига асосан Наманганда фаолият юритаётган маҳаллий ОАВ, жамоатчилик фаоллари ва ҳудудий матбуот котиблари учун семинар бўлиб ўтди.
Семинар доирасида давлат ташкилотларида коммуникациянинг ўзига хос хусусиятлари, жамоатчилик билан алоқаларда Халқ банки тажрибаси, инқирозли вазиятларда ўзаро коммуникация каби мавзулар бўйича мутахассислар йиғилганларга батафсил маълумот берди. Шу билан бир қаторда тренинг иштирокчиларига Хаzna мобил иловасининг тақдимоти ўтказилди. Семинар-тренинг сўнгида йиғилганлар ўртасида интерактив ўйинлар ўтказилди.
Семинардан сўнг пресс-тур иштирокчилари Наманган туманидаги “Nam Motor Servis” МЧЖ фаолияти билан танишди. “Nam Motor Servis” МЧЖ бугунги кунда сув насослари ва электродвигателлар ишлаб чиқарувчи республикадаги йирик корхоналардан. Халқ банки кўмагида фаолият бошлаган объектнинг бугунги кундаги йиллик даромади 55,6 млрд сўм. Корхонада 160га яқин кишининг бандлиги таъминлаган. Бу ерда йилига 10 минг дона электродвигател, 2 минг дона сув насосларини ишлаб чиқариш қуввати яратилган. Корхонадаги замонавий ускуналар ишлаб чиқариш жараёнларида кенг технологик имкониятларни таъминламоқда.
Пресс-турнинг навбатдаги Наманган туманидаги "Best fiber" масъулияти чекланган жамияти бўлиб, у ерда нафақат аҳоли эҳтиёжларини қондиришга хизмат қиладиган маҳсулотлар ишлаб чиқарилади, балки корхона ўз фаолияти билан атроф-муҳитни асрашга ҳам катта ҳисса қўшиб келмоқда.
Бу ерда ойига 300 тонна пластик чиқинди қайта ишланади ва саноатнинг турли соҳалари учун хомашё тайёрланади. 2,5 гектар майдонда ташкил этилган баклажкани қайта ишлаш корхонасига Хитойдан махсус ускуна хариди учун Халқ банки томонидан 1 млн 200 минг АҚШ доллари миқдорида молиявий кўмак берилган. Корхонанинг йиллик даромади 10 млрд сўм, 100 га яқин ишчи ўрни ташкил этилган.
