Исроил армияси ҲАМАС етакчисининг ўлимига изоҳ беришдан бош тортди

«Анадолу»нинг сўровига Исроил армияси матбуот хизмати «бу масала бўйича изоҳ берилмайди», деб жавоб қайтарди.

Исроил армияси Теҳронда ҲАМАС етакчиси Исмоил Ҳанияга қилинган ҳужумга изоҳ беришдан бош тортди.

«Ҳания Исроилнинг Теҳрондаги ҳужуми натижасида ҳалок бўлганини тасдиқлайсизми?» - дея «Анадолу» мухбири телефон орқали боғланган Исроил армияси матбуот хизмати вакилига мурожаат қилди.

«Биз бу масала бўйича изоҳ бермаймиз», деб жавоб қайтарди Исроил армияси матбуот хизмати.

ҲАМАС ва Ислом инқилоби муҳофизлари корпусининг ёзма баёнотларида, Исмоил Ҳания Исроил армиясининг Теҳрондаги меҳмонхонага уюштирган ҳужуми оқибатида ҳалок бўлгани билдирилди.