Қўшимча функционаллар
-
Тунги кўриниш
Жаҳон | 11:20 / 12.08.2024
3683
1 дақиқада ўқилади
«Ҳизбуллоҳ» Исроил шимолига ракета зарбалари берилганини эълон қилди
«Ҳизбуллоҳ»нинг таъкидлашича, Исроил шимолидаги ҳарбий базага ўнлаб «Катюша» ракеталари отилган.
Фото: Видеодан кадр
Ливаннинг «Ҳизбуллоҳ» ҳаракати Исроил шимолидаги ҳарбий базага «Катюша» ракеталари билан зарба берди.
Ҳаракатнинг Телеграмдаги баёнотида қайд этилишича, ҳарбий базага зарба Исроил томонининг Ливан жанубини ўққа тутишига жавобан амалга оширилган.
Баёнотда мамлакат шимолидаги Гатун казармаларида жойлашган Исроил армиясининг 146-бригадаси «ўнлаб «Катюша» ракеталари билан нишонга олингани» қайд этилган.
Бошқа томондан, ҳужумга изоҳ берган Исроил Ливаннинг жанубидан Исроил шимолидаги Кабри туманига 30 та «Катюша» ракетаси учирилганини, қурбонлар йўқлигини маълум қилди.
