Эрон мудофаа вазири ва Ислом инқилоби қўриқчилари корпуси раҳбари ҳалок бўлди – ОАВ

Исроилнинг 12-канали зарбалар Эрон режими раҳбарлари ва ҳарбий қўмондонларига «жуда катта зарар» етказганини хабар қилди.

Азиз Носирзода Фото: Miraflores Palace/ Handout via REUTERS

Эрон мудофаа вазири Азиз Носирзода ва Ислом инқилоби қўриқчилари корпуси қўмондони Муҳаммад Покпур Исроил ҳужумлари оқибатида ҳалок бўлгани тахмин қилинмоқда. Бу ҳақда Reuters Исроил ҳарбий операцияси билан таниш бўлган манбаларга таяниб хабар берди.

Эрон томони бу маълумотни тасдиқламади.

“Пезешкиён ва Хоманаий тирик. Барча юқори даражадаги амалдорлар соғ-саломат”, деди Эрон ташқи ишлар вазири Аббос Ароқчи.

28 феврал куни Исроил ва АҚШ кучлари Эронга ҳарбий ҳужум уюштирди. Ўз навбатида, Эрон ҳам Исроилга ва АҚШнинг Яқин Шарқ мамлакатларида жойлашган ҳарбий базаларига жавоб зарбалари йўллади.

Тайёрлаган Дилшодбек Асқаров

#Эрон #Исроил

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.