Barak Obama Turkiyaning barcha kuchlari mamlakat hukumatini qo‘llab-quvvatlashi zarur deb hisoblaydi

AQSh prezidenti Barak Obama Turkiyaning barcha kuchlari demokratik yo‘l bilan saylangan mamlakat hukumatini qo‘llab-quvvatlashi zarur deb hisoblaydi. U bu haqda Oq uyda o‘tgan matbuot anjumanida ma'lum qilgan.

Uning so‘zlariga ko‘ra, ular “Turkiya voqealari”ni muhokama etishgan. "Prezident va davlat kotibining fikri bir joydan chiqdi, ya'ni Turkiyaning barcha kuchlari demokratik yo‘l bilan saylangan mamlakat hukumatini qo‘llab-quvvatlashga va hech qanday zo‘ravonlik, qon to‘kilishlarga yo‘l qo‘ymasligi zarur", - deb xabar berdi Oq uy matbuot xizmati.

"Davlat kotibining tasdiqlashicha, AQSh davlat departamenti Turkiyadagi AQSh fuqarolarining xavfsizligi va himoyasini ta'minlashga bor diqqat-eʼtiborini qaratadi", - deya qo‘shimcha qildi matbuot xizmati.