Xitoydagi ko‘p qavatli binoda portlash ro‘y berishi oqibatida 3 kishi halok bo‘ldi

Xitoyning Xeyluntszyan provinsiyasida joylashgan Xarbin shahridagi ko‘p qavatli binolardan birida kuchli portlash sodir bo‘ldi. Sinxua agentligi xabariga ko‘ra, bu hodisa oqibatida 3 kishi halok bo‘lgan.

Qayd etilishicha, yana bir necha kishi turli darajada jarohatlar bilan shifoxonaga yotqizilgan.

Agentlik ma'lumotiga ko‘ra, porttlash oqibatida 13, 14 va 15-qavatlar jiddiy zararlangan.

Dastlabki taxminlarga ko‘ra, portlashga maishiy gaz sabab bo‘lgan.