Bishkekda RF va Tojikiston o‘rtasidagi aviaqatnovlar masalasi muhokama etiladi

ShHT hukumat rahbarlari Kengashining Bishkekda bo‘lib o‘tayotgan sammiti doirasida RF va Tojikiston o‘rtasidagi aviaparvozlar muammosi muhokama etiladi. Bu haqda Rossiya transport vazirligi vakili RIA “Novosti” agentligiga ma'lum qilgan. 

Uning so‘zlariga ko‘ra, Rossiya tomoni Tojikiston bilan havo aloqasini to‘xtatish huquqini saqlab qoladi. Bu rossiyalik aviatashuvchilarning huquqlari poymol etilmasligi maqsadida 8 noyabrdan amalga oshirilishi mumkin. 

2016 yil 3 noyabrda Qirg‘iziston Respublikasi poytaxti Bishkek shahrida Shanxay hamkorlik tashkilotiga a'zo davlatlar hukumat rahbarlari Kengashining 15-yubiley sammiti bo‘lib o‘tmoqda. Unda, O‘zbekistondan Bosh vazir birinchi o‘rinbosari Rustam Azimov qatnashmoqda.