Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Усэйн Болт футболчига айланиши мумкин
08:59 / 13.11.2016
8727
Фото: imago sportfotodienst/Globallookpress

Дунёнинг энг чопағон инсони, ямайкалик спринтер Усэйн Болт  The Guardian нашрига берган интервьюсида енгил атлетикадан кетгач, эҳтимол профессионал футболчига айланиш вариантини кўриб чиқиши ҳақида айтди.

Унинг таъкидлашича, у Дортмунднинг "Боруссия" клуби билан бир нечта машғулотлар ўтказиб, бундан нима чиқишини кўрмоқчи. Бироқ унинг айтишича, у "Манчестер Юнайтед" клубига  мухлисилик қилади ва клуб бош мураббийи Жозе Моуриньо билан учрашишга қарши эмас.

"Агар мен "Манчестер Юнайтед" учун ўйнай олганимда, бу орзуим амалга ошса, жуда ажойиб бўларди", деб айтган 30 ёшли Болт.

Болт 9 карра Олимпия чемпиони ҳисобланади. У Пекин (2008), Лондон (2012) ва Рио-де-Жанейро (2016) Олимпиадалари иштирокчисидир.


Улашинг
Top