Yangi Zelandiyadagi zilzila oqibatida 2 kishi halok bo‘ldi

Yangi Zelandiyada sodir bo‘lgan kuchli zilzila oqibatida ikki kishi halok bo‘ldi. Bu haqda mamlakat politsiyasi matbuot xizmati ma'lumotiga asoslanib, Associated Press xabar bermoqda.

Bundan tashqari, Kaikoura shahrida bir necha kishi jarohat olgan.

Zilzila Vellington shahriga ham ziyon yetkazgan, shahardagi 60ga yaqin bino jiddiy zarar ko‘rgan. Kuchli yer silkinishlari Kraystcherch shahrida ham sezilgan. Zilzila uy va ko‘chalarni vayron qilgan ko‘chki hamda sunami keltirib chiqargan.
Yangi Zelandiyada favqulodda vaziyatning yuqori darajasi holati e'lon qilingan.