Ford mashinalarni ekstremal sinovdan o‘tkazish uchun "Ob-havo fabrikasi" quradi

Ford kompaniyasi Kyolnda "Ob-havo fabrikasi" deb nomlangan innovatsion sinovlar o‘tkazish markazini barpo etadi. Bu korxonada mashinalar eng ekstremal ob-havo sharoitlarida sinovdan o‘tkaziladi. 

Korxonada o‘rnatiladigan iqlim tizimlari Arktika sovug‘i yoki ekvatorial issiqlik sharoitlarini yaratib, minus 40 gradusdan plyus 55 gradusgacha oraliqdagi haroratlarni yarata oladi.

Bundan tashqari, maxsus qurilmalar kuchli qor yog‘ish sharoitini vujudga keltira oladi, buning evaziga oynalar va oyna tozalagichlarni isitish tizimi ishini tekshirish va sozlash mumkin bo‘ladi. Shuningdek, "fabrikada" uchta aerodinamik tunnel o‘rnatiladi, ularda soatiga 250 km tezlikka ega kuchli shamol sharoitlari vujudga keltiriladi.

"Ob-havo fabrikasi" 2017 yil aprelida ochilishi rejalashtirilgan. "Ford"da yangi sinov markazi avtomobillarni dunyoning turli qiyin boriluvchi burchaklariga yuborish zaruriyatini ancha kamaytirishiga imkon berishini aytdilar. Shu bilan birga mashinalar haqiqiy ekstremal sharoitlarda sinovdan o‘tkazilishda davom etadi.