Anqara Suriyaning Halabida biror bir davlat yoki tuzum bilan raqobat qilmayapti, deb aytdi Turkiya tashqi ishlar vaziri Mavlud Chovusho‘g‘lu Livanning LBCI telekanali efirida.
"Turkiyaning Halabdagi havotirlari bu shahardagi gumanitar vaziyat bilan chaqirilgan", deb aytdi Chovusho‘g‘lu.
Vazir Anqara terrorchilik tashkilotlarini farqlamasligini ta'kidlab o‘tdi.
"Turkiya "Jibhat an-Nusra" va IShIDni terrorchilik tashkilotlari sifatida tan olganda ko‘pchilik davlatlarda ularning hattoki mavjudligini bilishmasdi", deb aytdi Chovusho‘g‘lu.
Vazir "Efrot qalqoni" operatsiyasiga to‘xtalib, uning maqsadi Myunbich mintaqasidan Efrot daryosi sohiligacha bo‘lgan hududni IShIDdan tozalab, uni mahalliy kuchlar boshqaruviga berishdan iborat ekanligini aytdi.
Chovusho‘g‘lu shuningdek Raqqani ozod qilish operatsiyasiga "Xalq mudofaasi otryadlari" (YPG) terrorchilik tashkilotini jalb qilib bo‘lmasligini aytdi.
"YPG kabi terrorchilik tashkilotlariga ishonib, ularni qo‘llab-quvvatlash – katta xatodir. Bu Suriyaning kelajagiga katta xatar yaratadi", deb aytdi Chovusho‘g‘lu.
Vazir Anqaraning Turkiya, Iroq va Suriyaning kurd aholisi bilan hech qanday muammolari yo‘qligini aytdi.
"Bizda Turkiya, Iroq va Suriyadagi kurd og‘a-inilarimiz bilan hech qanday muammo yo‘q. Bizning muammo – terrorchilik tashkilotlari", deb aytdi Chovusho‘g‘lu.
