Asad Rossiya va AQSh munosabatlarining yaxshilanishi Suriyaga qanday ta'sir ko‘rsatishini aytdi

Suriya prezidenti Bashar Asad Donald Tramp prezidentligida AQSh va Rossiya munosabatlarining yaxshilanishi mamlakatdagi inqirozga ijobiy ta'sir ko‘rsatishi mumkinligini ma'lum qildi.

"Menimcha, AQSh va Rossiya munosabatlarining yaxshilanishi Suriyadagi mojaroga ijobiy ta'sir ko‘rsatadi", - dedi u fransiyalik jurnalistlar bilan bo‘lgan intervyuda. Suhbat matni SANA agentligi tomonidan chop etildi.

Suriya yetakchisining ta'kidlashicha, Trampning bayonotlari "katta istiqboldan darak beradi" va "AQSh hamda Rossiya munosabatlarining yaxshilanishini ko‘zda tutadi". Asadning fikricha, bu holat "jahondagi barcha muammolar, xususan, Suriyaga ta'sir ko‘rsatadi".