2016 yilgi mavsumni «Buxoro» futbol klubida o‘tkazgan va 9 ta gol bilan jamoasining eng yaxshi to‘purari bo‘lgan Aziz Ibragimov faoliyatini Eronda davom ettiradi. U «Mashinasozi»klubi bilan shartnoma imzoladi.
30 yoshli futbolchi Tabriz shahri sharafini himoya qilayotgan klubning tibbiy ko‘rigidan muvaffaqiyatli o‘tdi. Ayni vaqtda jamoa Eron Pro Ligasida 20-turdan keyin 10 ochko bilan so‘nggi – 16-o‘rinda bormoqda.
Aziz Ibragimov faoliyati davomida «Traktor» (Toshkent, 2004–2005), «Sho‘rtan» (G‘uzor, 2005), «Mash'al» (Muborak, 2006), «Slovan Bratislava» (Slovakiya, 2007–2008), «Bogemians 1905» (Chexiya, 2008–2011), «Tsindao Jonun» (Xitoy, 2011–2012), «Banik Most» (Chexiya, 2013), «Cheske Budeyovitse» (Chexiya, 2013), «Bogemians Praga” (Chexiya, 2013–2014), «Andijon» (Andijon, 2014), «Dinamo» (Samarqand, 2015) va «Buxoro» (Buxoro, 2015–2016) klublarida to‘p surgan.
Shuningdek, tajribali futbolchi 2007–2011 yillar davomida O‘zbekiston terma jamoasi safida to‘p surib, 17 uchrashuvda 3 ta gol kiritishga muvaffaq bo‘lgan.
Eslatib o‘tamiz, bundan oldinroq Server Jyeparov Eronning «Istiqlol» jamoasi a'zosiga aylangandi.
