AQSh prezidenti Donald Tramp mamlakat moliyaviy bozorini tartibga solish choralarini kuchaytirish haqidagi 2010 yildagi Dodd-Frank qonuni qayta ko‘rib chiqiladigan farmonni imzoladi. Bu haqda CBS News telekanali xabar bermoqda.
"Bugun biz AQSh moliya tizimini tartibga solishning asosiy tamoyillarini imzolamoqdamiz", deb aytdi Tramp AQSh ma'muriyati oliy rahbariyati vakillari oldida.
Trampning aytishicha, bu qonunning qayta ko‘rib chiqilishi mamlakat moliya muassasalari sektori faoliyatini yaxshilashga imkon beradi.
Uoll-stritni isloh qilish va iste'molchilarni himoya qilishga qaratilgan Dodd-Frank qonuni 2010 yil 21 iyulda qabul qilingan qonun hujjati bo‘lib, AQSh moliya tizimi xatarlarini kamaytirish maqsadida ishlab chiqilgan. Qonun hokimiyatning moliya xizmatlari ko‘rsatish tartibini muvofiqlashtiruvchi federal organlar faoliyatini anchagina o‘zgartirdi hamda qo‘shimcha moliyaviy tartibga solish organi – Moliyaviy barqarorlikni nazorat qilish kengashiga asos soldi.
