Poroshenko Rossiya ayirmachilarga tegishli hujjatlarni tan olishini xalqaro huquqbuzarlik deb atadi

Ukraina prezidenti Petro Poroshenko tan olinmagan «Donetsk xalq respublikasi» («DXR») va «Lugansk xalq respublikasi» («LXR»)da berilgan hujjatlarning Rossiya tomonidan tan olinishini Rossiya rahbariyati tomonidan xalqaro huquqning buzilishiga isbot ekanligini aytdi. Bu haqda «112 Ukraina» nashri xabar bermoqda.    

«Bu men uchun «Rossiya okkupatsiyasi» va Rossiyaning xalqaro huquqbuzarligining navbatdagi isboti hisoblanadi», deb aytdi Poroshenko. 

Poroshenko hujjatlarning tan olinishi haqidagi farmonning Xavfsizlik bo‘yicha Myunxen anjumani o‘tayotgan vaqtda imzolanishini «surbetlik» deb atadi. 

Avvalroq Ukraina milliy xavfsizlik va mudofaa kengashi kotibi Aleksandr Turchinov Rossiya tomonidan «Donetsk xalq respublikasi» pasportlarining tan olinishini Rossiyani Minsk jarayonidan chiqishiga tenglashtirdi.