Yaponiya 2011 yil 11 mart fojiasini bir daqiqalik sukut bilan yodga oldi

Yaponiya mamlakati 2011 yil 11 mart kuni yuz bergan tabiiy ofat qurbonlari xotirasiga bir daqiqalik sukut saqlash bilan hurmat bajo keltirdi. Tokio markazidagi Milliy teatrda bo‘lib o‘tgan xotira marosimida mahalliy vaqt bilan soat 14:46da bir daqiqalik sukut e'lon qilindi. 6 yil muqaddam shu kuni mamlakat tarixidagi eng dahshatli 9 ballik zilzila ro‘y bergan va shundan so‘ng sunami paydo bo‘lgandi. 11 mart kuni mamlakat bo‘ylab xotira marosimlari bo‘lib o‘tmoqda. 

Ayrim joylarda to‘lqin balandligi 40 metrga yetdi. Aynan sunami ko‘plab insonlar hayotiga zomin bo‘ldi. So‘nggi ma'lumotlarga ko‘ra, o‘shanda tabiiy ofatdan 15893 kishi halok bo‘lgan, 2550 nafardan ortiq kishi oradan 6 yil o‘tganiga qaramay, bedarak yo‘qolgan hisoblanmoqda. 120 mingdan ortiq odam ko‘chirilganidan so‘ng, uylariga qaytganlaricha yo‘q. 

Ofat, shuningdek, "Fukusima-1" AESida falokatga sabab bo‘ldi. Uning energiya bilan ta'mminlash va sovutish tizimlari ishdan chiqdi. Buning oqibatida uchta reaktordagi yadro yoqilg‘isining erishi ro‘y berdi va portlashlar hamda havoga radiatsiya chiqarilishiga olib keldi. AES atrofidagi 10 minglab kishilar ko‘chirildi.