Kutilmagan burilish: Rossiya Afg‘oniston bo‘yicha maslahatlashuvlarga AQShni taklif qildi

Moskva AQShga Afg‘oniston bo‘yicha 14 aprelga rejalashtirilgan maslahatlashuv uchun taklifnoma jo‘natdi, deb xabar bermoqda RIA Novosti Rossiya prezidenti maxsus vakili, RF TIVning ikkinchi Osiyo departamenti rahbari Zamir Kabulovga asosan.

"Fevralda mintaqadagi barcha davlatlar bilan maslahatlashuvlar o‘tkazdik (Afg‘oniston bo‘yicha), 14 aprel kuni esa bu maslahatlashuvlar doirasini kengaytiramiz hamda Markaziy Osiyoning besh davlati va AQSh vakillarini taklif etdik", - dedi Kabulov.

Afg‘oniston prezidentining milliy xavfsizlik bo‘yicha maslahatchisi Muhammad Hanif Atmarning ma'lum qilishicha, Afg‘oniston bo‘yicha maslahatlashuvlar 14 aprel kuni Moskvada bo‘lib o‘tadi, unda 12 mamlakat, jumladan, AQSh ham ishtirok etishi ehtimolga yaqin.

Shu bilan birga, Kabulovning ta'kidlashicha, AQSh hozircha o‘z ishtirok darajasini tasdiqlagani yo‘q.

"Biz ularni taklif qildik – ular buni hal qilishi kerak. Hozircha javob olmadik, sababi ularda haligacha kishilar tayinlanmagan", - deya ta'kidlab o‘tdi Kabulov.