Sankt-Peterburgdagi terakt ijrochisi Rossiya fuqaroligiga ega qirg‘izistonlik tomonidan sodir etilgan bo‘lishi mumkin. Qirg‘iziston Milliy xavfsizlik davlat qo‘mitasi shunday ehtimolni istisno etmagan.
«Ha, dastlabki ma'lumotlarga ko‘ra, Sankt-Peterburgda 3 aprel kungi portlash Rossiya pasportiga ega Qirg‘iziston fuqarosi», degan maxsus xizmat rasmiysi Raxat Sulaymanov «Interfaks» agentligi muxbiriga.
Aniqlik kiritilishicha, metroda o‘zini portlatgani gumon qilinayotgan shaxs 1995 yili Qirg‘iziston janubidagi O‘sh shahrida tug‘ilgan Akbarjon Jalilov.
U bu masalada Rossiya tomoni bilan doimiy aloqada bo‘lib turilganini qo‘shimcha qilgan.
Peterburgdagi portlashni qozog‘istonlik sodir etgani aytildi, Qozog‘iston munosabat bildirdi
Bundan oldinroq kelib chiqishiga ko‘ra o‘rta osiyolik bo‘lgan shaxs portlash tashkilotchiligida asosiy gumondorga aylangani xabar qilingandi.
Qirg‘iziston o‘z fuqarosi Peterburgdagi portlash ijrochisi sifatida gumonlanayotganiga izoh bermadi
3 aprel Moskva vaqti bilan soat 14.30da Sankt-Peterburg metrosining «Sennaya ploshchad» va «Texnologicheskiy institut-2» stansiyalari o‘rtasidagi yo‘lda ketayotgan metro poyezdida portlash yuz bergan. «Ploshchad Vosstaniya» stansiyasida qo‘yilgan portlovchi moddaning o‘z vaqtida aniqlanishi evaziga yana bir portlash oldi olingan.
Ushbu portlash qurbonlari soni 11 nafar, jarohatlangan holda shifoxonaga yotqizilganlar soni 51 nafarga yetgan.
