O‘zbekiston Respublikasi Prezidentining «Tovarlar eksportini rag‘batlantirishning qo‘shimcha chora-tadbirlari to‘g‘risida» 1997 yil 10 oktabrdagi PF-1871-sonli Farmoni talabiga ko‘ra O‘zbekiston Respublikasi xududiga maxsus ruxsatnomasiz qurol-yarog‘, o‘q-dori va ularning qismlarini olib kirish taqiqlangan.
Samarqand viloyati bojxona boshqarmasi axborot xizmatining xabar berishicha, Samarqand viloyati bojxona boshqarmasi “Samarqand aeroport” chegara bojxona posti xodimlari mazkur tartiblarga buysunishni istamagan, “Vnukova-Samarqand” yo‘nalishidagi aviareys bilan uchib kelgan fuqaro A.Raximovning qing‘ir qilmishlarini fosh qilishdi. Qarangki, ushbu shaxsga tegishli bagaj bojxona ko‘rigidan o‘tkazilganda, unda yo‘lovchi bojxona deklaratsiyasida qayd etilmagan 2 turdagi 2500 dona ov quroli gilzaci kapsulalari yashirincha olib kirilayotganligi aniqlandi.
Viloyat ekspert-kriminalistika bo‘limi ekspertlari xulosasiga ko‘ra, fuqaro A.Raximovdan huquqbuzarlik ashyosi sifatida olingan 2000 dona sariq rangli kapsula(piston)lar ov o‘q-dori turiga kirmasligi, taqdim etilgan holida ov patronlar qismi hisoblanishi, shuningdek, 500 (besh yuz) dona allyumin rangli kapsula(piston)lar plastmassa gilzalarga qo‘yib foydalanish uchun mo‘ljallanganligi, mazkur kapsulalar foydalanish uchun yaroqli ekanligi ko‘rsatilgan.
Samarqand shahar Jinoyat ishlari bo‘yicha sudining 2017 yil 2 maydagi qaroriga muvofiq, fuqaro A.Raximov O‘zbekiston Respublikasi Ma'muriy javobgarlik to‘g‘risidagi kodeksning 227-22-moddasi 1-qismida ko‘rsatilgan huquqbuzarlik holatini sodir etgan deb topilib, unga qonunchilikda belgilangan ta'sir chorasi qo‘llanildi hamda huquqbuzarlik ashyosi sifatida olingan jami 2500 dona gilza kapsyullari davlat foydasiga musodara qilingan.
