Rossiyada vaqtinchalik yashovchi xorijliklar uchun yangi viza paydo bo‘ldi

Rossiya davlat Dumasi juma yakuni mamlakatga xorijlik yoki fuqaroligi bo‘lmagan shaxs vaqtinchalik yashashga ruxsatnoma olish uchun kirishiga yangi viza turini joriy etadigan qonunni uchinchi yakuniy o‘qishda qabul qildi. 

Qonun RF Konstitutsiyaviy sudining 2016 yilning 16 fevraldagi qarorini ijro etish maqsadida ishlab chiqildi. Unga ko‘ra, Rossiyada vaqtinchalik yashash uchun ruxsat olgan xorijlik va fuqaroligi bo‘lmagan shaxslar, RFga shaxsni tasdiqlovchi hujjatlar hamda vaqtinchalik yashovchi shaxs vizasi asosida kirib kelishi va chiqishi nazarda tutilgan.

Qonun Rossiyaga kirish uchun oddiy vizalar ro‘yxatini yangi viza bilan to‘ldiradi – RFga vaqtinchalik yashashga ruxsat olish maqsadida kirish uchun. Bunday viza xorijlik yoki fuqaroligi bo‘lmagan shaxsga Rossiya IIV hududiy organi unga mamlakatda vaqtinchalik yashash uchun ruxsat berish haqida qarori bo‘lsa, to‘rt oygacha muddatga beriladi.

Vaqtinchalik yashovchi shaxsga viza Rossiya IIV hududiy organi tomonidan RFda vaqtinchalik yashash uchun ruxsat bilan birga beriladi.

Bundan tashqari, qonunda “viza” tushunchasiga “RFga kirish va RFda bo‘lish yoki RF hududidan tranzit maqsadida foydalanish uchun vakolatli davlat idorasi tomonidan berilgan ruxsat” deb aniqlik kiritilgan.