Turkiyada yana 105 IT-mutaxassis Gulen bilan aloqadorlikda ayblandi

Istanbul prokuraturasi muxolifatchi Fathulloh Gulenning tashkilotiga aloqadorlikda aylangan 105 nafar IT-mutaxassisni hibsga olish uchun order berdi. Bu haqda Anadolu agentligi prokuraturadagi manbaga asosan xabar tarqatdi.

Ta'kidlanishicha, amaliyot mamlakatning 8 viloyatida o‘tkazilmoqda, 52 kishi qo‘lga olindi, ular orasida Turkiya ilmiy-texnologik tadqiqot kengashi xodimlari ham bor. Ularning bari ByLock dasturi foydalanuvchilari hisoblanadi. U, turk hukumati taxminiga ko‘ra, FETO a'zolari tomonidan shifrlangan xabarlarni alishishda ishlatiladi.

Turkiyada muxolif Xalq-respublika partiyasining yakshanba kuni bo‘lib o‘tgan ko‘p ming sonli mitingidan so‘ng qo‘lga olingan Gulenning ehtimoliy tarafdorlari soni yanada oshdi. Kuni kecha Anqara prokuraturasi hukumat devonining sobiq va amaldagi xodimlaridan 43 nafarini qo‘lga olish uchun order berdi. Ular ham FETO’ga aloqadorlikda ayblanmoqda.