Turkiyada 2016 yilning 15 iyul voqealari qurbonlarini xotirlash marosimlari bo‘lib o‘tadi

Turkiya bo‘ylab 15 iyul kuni Fathulloh Gulenning (FETÖ) terrorchilik oqimi tomonidan 2016 yilda tashkillashtirilgan harbiy to‘ntarishga urinishning bir yilligiga bag‘ishlangan tadbirlar bo‘lib o‘tadi.

Turkiya prezidenti Rajab Toyyib Erdo‘g‘an chaqirig‘i bilan 15 iyul kechqurun mamlakatning 81 viloyati aholisi “Demokratiya posbonligi”ni amalga oshiradi. Prezident xalqqa chaqiriq bilan chiqish qiladi, hamda, xuddi bir yil avvalgidek kabi, Turkiyada “Demokratiya posbonligi” boshlanadi. Unga davlat rahbari ham qo‘shiladi.

"Anadolu" agentligining xabar qilishicha, Demokratiya va milliy birdamlik kuni – 15 iyul doirasidagi tadbirlar Turkiya prezidenti ma'muriyatining rahbarligida boshlandi. 11 iyul kuni fuqarolar harbiy to‘ntarishga urinish qurbonlari qabrlariga borishgan.

Xotira tadbirlari harbiy to‘ntarishga urinish davomida asosiy voqealar ro‘y bergan joylarda ham bo‘lib o‘tadi.

Gap birinchi navbatda Turkiya Buyuk milliy yig‘ilishi (parlament) binosi, Prezidentlik majmuasi, Anqaradagi Gelboshi tumanidagi maxsus topshiriqli guruhni tayyorlash Markazi, poytaxtning Qahramonqozon tumani, 15 iyuldagi milliy iroda Maydoni Qiziloy haqida ketmoqda.

Bundan tashqari, ro‘yxatda harbiy to‘ntarishga urinish yuz bergan tunda prezident Erdo‘g‘an borib joylashgan Marmaris viloyatidagi mehmonxonalardan biri, Turkiya milliy razvedka tashkilotining Yyenimahallada joylashgan binolari korpusidan biri, “Chanqaya” saroyi, politsiya Bosh boshqarmasi, Turkiya QK Bosh shtabi binosi, Turkiya jandarmeriyasi Bosh boshqarmasi, TRT telekanali va TÜRKSAT sun'iy yo‘ldosh kompaniyasi ham bor.

Istanbulda xotira tadbirlari 15 iyuldagi shahidlar Ko‘priki, Otaturk xalqaro aeroporti, Qisiqli, Chengel tumanlari, CNN Türk telekanali, Sarachxon tumani, Fotih Sulton Mahmud ko‘prigi, Vatan ko‘chasi, Esenler tumani, Türk Telekom telekanali binosi va Istanbul fond birjasida tashkil etiladi.

12 iyul kuni Buyuk milliy yig‘ilishda, yirik shaharlarning 30 ta ko‘rgazma zali va metro bekatlarida o‘sha kungi voqealarga bag‘ishlangan fotosuratlar ko‘rgazmalari ochiladi. Shu kunning o‘zida Turkiya madaniyati va sportining eng mashhur namoyondalari televideniye hamda ijtimoiy medialar orqali murojaat bilan chiqishadi.

13 iyul kuni Prezidentlik majmuasida harbiy to‘ntarishga urinish kunida halok bo‘lganlar va yaralanganlarning qarindoshlari bilan maxsus tadbir o‘tkaziladi.

14 iyul kuni Turkiyaning 81 viloyatidagi masjidlarda halok bo‘lganlar ruhi yodga olinadi.

15 iyul kuni Anqarada inson huquqlari bo‘yicha Forum tashkil etiladi. Harbiy to‘ntarishga urinish yuz bergan kuni halok bo‘lganlar va yaralanganlar qarindoshlari kechki ovqatda ishtirok etadi.

Turkiyaning barcha viloyatlarida Milliy birdamlik marshi bo‘lib o‘tadi.

16 iyul kuni soat 00:13 da butun Turkiya bo‘ylab maxsus marosim o‘tkaziladi, so‘ng “Demokratiya posbonligi” tadbiri boshlanadi. 

Istanbulda 15 iyul kungi hodisalarga bag‘ishlangan hujjatli film namoyish etiladi, so‘ng davlat rahbari fuqarolarga murojaat qiladi. Shuningdek, harbiy to‘ntarishga urinish chog‘ida halok bo‘lgan 250 nafar fuqaroning ism-shariflari o‘qib eshittiriladi. Shahidlar xotirasiga bag‘ishlangan yodgorlik ochiladi.

16 iyul kuni soat 01:00 da hukumat vakillari Buyuk milliy yig‘ilishda fuqarolar bilan uchrashadi. 02:32 da, parlament binosiga ilk bomba tashlangan payt, yana davlat rahbari chiqish qiladi.

16 iyul soat 04:50 da namoz o‘qiladi, so‘ng Prezidentlik majmuasi hududida 15 iyul shahidlari monumenti ochiladi.