Boltiq dengizida Rossiya va Xitoyning qo‘shma harbiy-dengiz mashqlari bo‘lib o‘tadi

Xitoy HDK kemalari otryadi kelasi hafta Boltiq dengizida “Dengizdagi o‘zaro harakatlar-2017” Rossiya-Xitoy qo‘shma harbiy-dengiz mashqlarida ishtirok etadi. Bu haqda Rossiya mudofaa vazirligidan xabar qilindi.

«24-27 iyul kunlari Boltiq dengizi suvlarida Rossiya-Xitoy mashqlarining faol bosqichi bo‘lib o‘tadi. Unga o‘nlab kemalar hamda o‘ndan ortiq samolyot va vertolyotlar jalb etiladi», - deya mahkama xabaridan iqtibos keltiradi Interfaks.

Mudofaa vazirligi ma'lumotiga ko‘ra, har ikki davlat dengizchilari qayiqlarga qarshi, havo mudofaasi va kemalarga qarshi mudofaa bo‘yicha mashqlarni o‘tkazadi, shuningdek, qaroqchilar tomonidan shartli ravishda egallab olingan kemani ozod qilib, avariyaviy holatdagi kemaga yordam ko‘rsatish bo‘yicha qidiruv-qutqaruv amaliyotini amalga oshiradi.