Rossiyaning Ukrainadan 325 mln dollarni darhol undirib olish haqidagi murojaati qanoatlantirilmadi

London yuqori sudi Rossiyaning Ukrainadan 325 million dollarni 3 mlrd dollarlik da'vo bo‘yicha ta'minlash sifatida darhol undirib olish to‘g‘risidagi murojaatiga rad javobini berish haqida qaror qabul qildi. Bu haqda Ukraina moliya vazirligi matbuot xizmati xabar bermoqda.

«Sud Ukrainaning pozitsiyasini qabul qildi va Ukrainaning apellyatsiya shikoyati ko‘rib chiqilgunga qadar sud qarori ijrosini to‘xtatib turish haqida qaror qabul qildi. Shuningdek, sud ishonchli vakilning xarajatlarni ta'minlash bo‘yicha murojaatiga rad javobini berdi va Ukrainaning, ishonchli vakilning sud jarayoni uchun xarajatlarini qoplash sud tomonidan jiddiy o‘rganib chiqilishi kerakligi haqidagi pozitsiyasiga qo‘shildi. Bu holat Ukrainaning appelyatsiya shikoyati ko‘rib chiqilmaguncha yuz bermaydi», - deya aniqlik kiritishgan matbuot xizmatidan.

Eslatib o‘tamiz, Ukraina moliya vazirligi iyun oyi oxirida London Yuqori sudining Rossiya oldidagi 3 mlrd dollarlik qarz bo‘yicha qaroriga apellyatsiya berdi.