Puyol kelgusida O‘zbekiston terma jamoasini boshqarishi mumkinligini istisno etmadi

«Barselona» klubi sobiq futbolchisi Karles Puyol O‘zbekistonga tashrifi davomida o‘tkazilgan matbuot anjumanida kelgusida O‘zbekiston terma jamoasini boshqarishi mumkinligini aytdi.

«Hozircha juda yoshman. Endi 40 yoshga kiryapman. Murabbiylik litsenziyasini hozircha olganim yo‘q. Shu bois murabbiy sifatida ish boshlash haqida ko‘p ham o‘ylab ko‘rmadim.

Ammo kelgusida murabbiy sifatida ish boshlasam, balki O‘zbekiston terma jamoasini ham boshqarishim mumkin. Buni vaqt ko‘rsatadi», degan Puyol.

Eslatib o‘tamiz, O‘zbekiston terma jamoasini vaqtinchalik bosh murabbiy sifatida Ro‘ziqul Berdiyev boshqarmoqda. O‘FF doimiy ish uchun faqat xorijdan murabbiy olib kelinishini ma'lum qilgan.