Raqibining ichimligiga taqiqlangan modda sepib qo‘ygan sportchi 8 yilga chetlatildi

Yaponiyalik eshkak eshuvchi-kanoechi sportchi Yasuxiro Sudzuki o‘z raqibiga taqiqlangan moddani sepib qo‘ygani uchun sakkiz yilga professional sportdan chetlashtirildi. Bu haqda TASS xabar qilmoqda.

«Bu Yaponiya sporti tarixida birinchi shunday holat va u juda katta afsuslarga sabab bo‘ladi», - deya ma'lum qildi Yaponiya dopingga qarshi agentligi rahbari Dayiti Sudzuki.

Sudzuki eshkak eshuvchi Seydzi Komatsuning ichimligiga metandiyenon anabolik steroidini sepib qo‘ygan, natijada raqibi chetlatildi, biroq Komatsu bu qarorga qarshi chiqqani sababli agentlik maxsus tekshiruv o‘tkazgan.

Qayd etilishicha, chetlatilgan eshkak eshuvchi-kanoechi avval mashg‘ulotlar va musobaqalar davomida o‘z raqiblarining sport inventarlarini ham o‘g‘irlagan.