Foto: EPA
Tayvanda yuz bergan zilzila oqibatida halok bo‘lganlar soni to‘qqiz kishiga yetdi, kamida 265 inson jarohat oldi. Bu haqda The Straits Times xabar qilmoqda.
Nashrning ta'kidlashicha, kamida 63 kishi bedarak yo‘qolgan deb hisoblanmoqda.
Avvalroq olti kishi halok bo‘lgani va 256 inson jabrlangani haqida xabar berilgandi.
6 fevralda Tayvanning Xualyan uyezdida mahalliy soat bilan 23.50da (Toshkent vaqti bilan soat 20.50da) 6,5 magnitudali kuchli zilzila yuz berdi. Zilzila o‘chog‘i 11 km chuqurlikda bo‘lgan. Xitoy seysmologik markazi bu zilziladan keyin magnitudasi 4,5 dan yuqori bo‘lgan kamida 5 ta va 5,2 dan yuqori bo‘lgan 2 ta aftershok qayd qilgan.
