Shavkat Mirziyoyev Toshkent shahri tumanlariga tashrifi davomida poytaxtni rivojlantirishga doir loyiha bilan tanishdi. Bu haqda prezident matbuot xizmati xabar bergan.
Bugungi kunda jahonda shaharsozlikning «High Tech City», «Smart City» yo‘nalishlari ommalashmoqda. Rivojlangan davlatlarda shaharlar qurilishida yuqori texnologiyalardan keng foydalanilmoqda.
Poytaxtda ham Janubiy Koreya tajribasi asosida shunday mavze barpo etish mo‘ljallanmoqda.
Prezident shu boradagi konsepsiya bilan tanishdi, janubiy koreyalik ishbilarmonlar bilan suhbatlashdi.
