Tramp ma'muriyati XKSni xususiy korxonaga aylantirishi mumkin

AQSh prezidenti Donald Tramp ma'muriyati Xalqaro kosmik stansiyani xususiylashtirish va uni «tijoriy asosdagi xususiy korxonaga» aylantirish imkoniyatini ko‘rib chiqmoqda. Bu haqda The Washington Post NASA hujjatlariga asosan yozmoqda.

Nashr ma'lumotlariga ko‘ra, AQSh XKSni NASA yo‘nalishi bo‘yicha moliyalashtirishni 2024 yildan so‘ng to‘xtatishni rejalashtirmoqda. Biroq aniqlik kiritilishicha, Vashington orbital stansiyadan voz kechish niyatida emas hamda uni davlatdan xususiy sektorga o‘tkazishi mumkin bo‘lgan reja ustida ishlamoqda.

«XKSni 2025 yilga borib federal miqyosda to‘g‘ridan-to‘g‘ri qo‘llab-quvvatlash haqidagi qaror stansiyaning o‘zi o‘sha vaqtga kelib orbitadan qaytarilishini anglatmaydi. Ehtimol, bu soha XKS ba'zi elementlari yoki imkoniyatlarini kelajakda tijoriy platforma sifatida foydalanishda davom etadi», - deya ta'kidlanadi hujjatda.