Turkiya kurd tuzilmalari Damashq bilan Afrin bo‘yicha kelisha olmaganini ma'lum qildi

YPG kurdlarning qurollangan tuzilmasi Damashq bilan mintaqaga Suriya hukumat qo‘shinlarini kiritish bo‘yicha kelishuvga erisha olmadi. Bu haqda Turkiya bosh vaziri o‘rinbosari Bakir Bo‘zdog‘ ma'lum qilgan.

«YPG rejim bilan Afrin bo‘yicha savdolashdi, biroq bir qarorga kela olmadi», - deya Bo‘zdog‘ning so‘zlarini keltiradi Milliyet nashri.

Bundan tashqari, Turkiya qurolli kuchlari Bosh shtabidan xabar berishlaricha, Afrindagi «Zaytun novdasi» harbiy amaliyoti boshlanganidan beri «1829 terrorchi yo‘q qilindi», deb ma'lum qilmoqda Anadolu.